រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
ឯកឧត្តម ឯម ច័ន្ទមករា៖ កម្ពុជា បានបង្កើតឱកាសថ្មីៗជាច្រើនដើម្បីបង្កើតការងារ និងមុខរបរសម្រាប់ជនមានពិការភាព ឲ្យទទួលបានជោគជ័យ
ចុះផ្សាយ: ថ្ងៃទី17 ខែ12 ឆ្នាំ2018
ឯកឧត្តម ឯម​ ច័ន្ទមករា ស្នើឲ្យភាគីពាក់ព័ន្ធទាំងអស់បន្តរួមគ្នាជួយដល់រដ្ឋាភិបាលកម្ពុជា ក្នុងការអនុវត្តផែនការយុទ្ធសាស្ត្រជាតិស្តីពីពិការភាព២០១៩-២០២៣
ចុះផ្សាយ: ថ្ងៃទី12 ខែ12 ឆ្នាំ2018
ម​ន្ត្រីៈ ឆ្នាំ ២០១៨ ជា​ឆ្នាំ​វឌ្ឍនភាព​ខ្លាំ​ក្នុង​វិស័យ​ពិការភាព​នៅ​កម្ពុជា​
ចុះផ្សាយ: ថ្ងៃទី06 ខែ12 ឆ្នាំ2018
សម្ដេចតេជោ ហ៊ុន សែន ផ្ញើសារជូនជនរួមជាតិ ក្នុងឱកាសទិវាជនមានពិការភាពកម្ពុជា លើកទី២០ និងទិវាជនមានពិការភាពអន្ដរជាតិ លើកទី៣៦
ចុះផ្សាយ: ថ្ងៃទី03 ខែ12 ឆ្នាំ2018
មន្ត្រី​ជនពិកា​រៈ គ្រប់​ស្ថាប័ន​ប​គ្បី​បង្កើន​ការប្រើ​ភាសា​សញ្ញា​ឱ្យបាន​ច្រើន​តាម​ដែល​អាច​ធ្វើបាន
ចុះផ្សាយ: ថ្ងៃទី16 ខែ10 ឆ្នាំ2018
Find us on Facebook
ចំនួនអ្នកចូលទស្សនា

សន្និសិទពិភពលោកស្តីពីឧបករណ៍ជំនួយ និងបច្ចេកវិទ្យាសម្រាប់ជនពិការ

ចុះផ្សាយ: ថ្ងៃទី29 ខែ10 ឆ្នាំ2015

កិច្ចប្រជុំថ្នាក់ឧត្តមមន្រ្តីប្រចាំតំបន់អាស៊ី-អឺរ៉ុប (ASEM) ស្តីពីពិការភាព និង សន្និសីទពិភពលោកស្តីពីឧប ករណ៍ជំនួយ និងបច្ចេកវិទ្យាសម្រាប់ជនពិការ ត្រូវបានគេប្រារព្ធធ្វើឡើងនៅទីក្រុងប៉េកាំង ប្រទេសចិន កាលពីថ្ងៃទី ២៩ ខែតុលា ឆ្នាំ២០១៥ម្សិលមិញនេះ ក្រោមអធិបតីភាព ឯកឧត្តម  លី ខាយឈាង នាយករដ្ឋមន្រ្តីចិន និង និងលោកជំទាវ អេនជីឡា ម៉ាកែល អធិការបតីអាល្លឺម៉ង់។

កិច្ចប្រជុំនេះ មានអ្នកចូលរួមសរុបប្រមាណ ២០០នាក់ មកពីបណ្តាប្រទេសក្នុងពិភពលោកចំនួន៤០ ក្នុងនោះមន្រ្តី ក្រុមប្រឹក្សាសកម្មភាពជនពិការកម្ពុជា ក៏ត្រូវបានអញ្ជើញឲ្យចូលរួមផងដែរ ដឹកនាំដោយ ឯកឧត្តម សែម សុខា រដ្ឋលេខាធិការ និងជាអនុប្រធាន ក្រុមប្រឹក្សាសកម្មភាពជនពិការ តំណាងដ៏ខ្ពង់ខ្ពស់ ឯកឧត្តម វង សូត រដ្ឋមន្ត្រី និងជាប្រធាន ក្រុមប្រឹក្សាសកម្មភាពជនពិការ និង ឯកឧត្តម ឯម ច័ន្ទមករា សមាជិកអចិន្ត្រៃយ៍ និងជា អគ្គលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ។

ឯកឧត្តម ឯម ច័ន្ទមករា បានប្រាប់ Fresh News ពីទីក្រុងប៉េកាំងនៅថ្ងៃទី៣០ ខែតុលា ឆ្នាំ២០១៥នេះថា កិច្ចប្រជុំនេះ ធ្វើឡើងក្នុងបំណងធានា និង ពង្រឹងកិច្ចសហប្រតិបត្តិការរវាងប្រទេសអាស៊ី-អឺរ៉ុប ដើម្បីធ្វើឲ្យមានការរីកចម្រើនផ្នែកឧស្សាហ៍កម្មនានា ក្នុងកំណើនសេដ្ឋកិច្ច និងដាក់ចេញនូវសំណើទៅសហគមន៍អន្តរជាតិ ដើម្បីធានាដល់សិទ្ធិពេញលេញសម្រាប់ជនពិការនាពេលអនាគត។

នៅក្នុងកិច្ចប្រជុំនេះ បញ្ហាប្រឈមរបស់ជនពិការ ក៏ដូចជាការប្រឹងប្រែង ដើម្បីស្តារស្ថានភាពរស់នៅ និងការគោរព សិទ្ធិរបស់ជនពិការនៅកម្ពុជា ត្រូវបានលើកបង្ហាញផងដែរ។ ឯកឧត្តម សែម សុខា បានថ្លែងបញ្ជាក់ថា គណៈអធិបតី និងអ្នកចូលរួមទាំងអស់ថា ជនពិការនៅកម្ពុជា មានជាង ៣០ម៉ឺននាក់ តែចំនួននេះតិចជាងបណ្តាប្រទេស ដែលកំពុងអភិវឌ្ឍន៍ដទៃទៀត។ ចំនួនតិចនេះ ដោយសារកម្ពុជា ឲ្យនិយមន័យពិការភាពតាមបែបវេជ្ជសាស្រ្ត ហើយកម្ពុជាកំពុងតែធ្វើបច្ចុប្បន្នភាព ជនពិការតាមប្រព័ន្ធ ICF ។

ឯកឧត្តម សែម សុខា បានបន្តថា ការងារពិការរភាព គឺជាការងារពហុវិស័យទាមទារឲ្យមានការចូលរួមយកចិត្តទុក ដាក់ ពីគ្រប់ភាគីពាក់ព័ន្ធទាំងអស់ ដើម្បីធានាបាននូវការផ្តល់ប្រយោជន៍ឲ្យជនពិការអាចរស់នៅបានប្រកបដោយសុខុមាលភាព និងមានការគោរពសិទ្ធិស្មើមុខស្មើមាត់នៅក្នុងសង្គម។

ឯកឧត្តម ឯម ច័ន្ទមករា បានបញ្ជាក់ថា កិច្ចប្រជុំខាងលើនេះ កម្ពុជា រំពឹងថា នឹងទទួលបានបទពិសោធន៍ថ្មីៗ ដែលជួយឲ្យជនពិការកម្ពុជា អាចប្រើប្រាស់បច្ចេកវិទ្យាថ្មីៗ ពិសេសឧបករណ៍ជំនួសទំនើបៗ ដើម្បីស្តារលទ្ធភាពពលកម្មសម្រាប់ជនពិការ។ ហើយក៏ជួយឲ្យកម្ពុជា អាចសិក្សាអំពីជោគជ័យ និង ដកបទពិសោធន៍ល្អៗ អំពីការផ្តល់សេវាសហគម ពិសេសការធានាដល់ការដករបាំង ឬឧបសគ្គរេរាំងរបស់ជនពិការ ពីបណ្តាលប្រទេសផ្សេងៗ ទាំងក្នុងតំបន់អាស៊ី និង អឹរ៉ុប៕


ដៃគូរបស់យើង