រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
ឯកឧត្តម ឯម ច័ន្ទមករា ស្នើប្រើពាក្យ «ជនមានពិការភាព» ជំនួសពាក្យ «ជនពិការ» ដើម្បីបំបាត់ការរើសអើង
ចុះផ្សាយ: ថ្ងៃទី18 ខែ12 ឆ្នាំ2017
ឯកឧត្តម ឯម ច័ន្ទមករា ថ្កោលទោសយ៉ាងដាច់អហង្ការ​ លើជនដៃដល់ កាប់យុវតីគ-ថ្លង់ស្ទើរដាច់ក នៅខេត្តកំពត, លោកថ្លែងថា នេះជាអំពើសាហាវបំផុត ដែលមិនអាចលើកលែងទោសបាន
ចុះផ្សាយ: ថ្ងៃទី03 ខែ12 ឆ្នាំ2017
អន្តរជាតិស្តាប់សេចក្តីថ្លែងការណ៍រដ្ឋមន្ត្រីសង្គមកិច្ចកម្ពុជា៖ ច្បាប់ស្តីពីសហលក្ខន្តិកៈមន្រ្តីរាជការស៊ីវិល កម្ពុជាលុបចោលរាល់ចំណុចរើសអើងជនពិការ!
ចុះផ្សាយ: ថ្ងៃទី30 ខែ11 ឆ្នាំ2017
ឯកឧត្តម វង សូត ប្រាប់រដ្ឋមន្ត្រីក្នុងតំបន់អាស៊ី និងប៉ាស៊ីហ្វិចថា៖ កម្ពុជាចាត់វិស័យពិការភាពជាកិច្ចការអាទិភាព ដោយកំណត់ច្បាស់យុទ្ធសាស្រ្តចតុកោណ របស់រាជរដ្ឋាភិបាល!
ចុះផ្សាយ: ថ្ងៃទី30 ខែ11 ឆ្នាំ2017
រដ្ឋមន្ត្រី និងតំណាងរដ្ឋាភិបាល មកពីតំបន់អាស៊ី និងប៉ាស៊ីហ្វិច ប្រជុំគ្នានៅទីក្រុងប៉េកាំង ដើម្បីពិនិត្យឡើងវិញការអនុវត្តកិច្ចការពិការភាព!
ចុះផ្សាយ: ថ្ងៃទី30 ខែ11 ឆ្នាំ2017
Find us on Facebook
ចំនួនអ្នកចូលទស្សនា

លោក ឯម ច័ន្ទមករា៖ រាជរដ្ឋាភិបាលកម្ពុជា បានយកចិត្តទុកដាក់ផ្តល់សេវាសង្គមកិច្ចដល់ជនពិការ ប្រកបដោយសមធម៌, គោរពសិទ្ធិ,មិនរើសអើង

ចុះផ្សាយ: ថ្ងៃទី12 ខែ01 ឆ្នាំ2017

ឯកឧត្តម ឯម ច័ន្ទមករា អគ្គលេខាធិការ និងជាប្រធានសមាជិកអចិន្រ្តៃយ៍ នៃក្រុមប្រឹក្សាសកម្មភាពជនពិការ បានថ្លែងឲ្យដឹងថា នៅក្នុងប្រទេសកម្ពុជា រាជរដ្ឋាភិបាលបានយកចិត្តទុកដាក់ ផ្តល់សេវាសង្គមកិច្ចដល់ជនពិការ ជនរងគ្រោះ ក្នុងសង្គម ប្រកបដោយសមធម៌ ស្មើភាព ស្មើសិទ្ធិ តាមរយៈការរៀបចំ ការអនុម័ត និងការដាក់ឲ្យប្រើប្រាស់ច្បាប់ គោលនយោបាយ និងលិខិបដ្ឋានគិតយុត្តជាតិ អន្តរជាតិ។

ឯកឧត្តម ឯម ច័ន្ទមករាបន្តថា ជនពិការដែលពីមុនធ្លាប់ទទួលរងនូវការរើសអើង មើលងាយ មើលថោក និងមិនអនុញ្ញាតឲ្យចូលរួមសកម្មភាពសង្គម ប៉ុន្តែឥលូវនេះ ត្រូវបានទទួលស្គាល់ថាជាធនធានដ៏មានសក្តានុពល ប្រកបដោយកិត្យានុភាព និងភាពអធនក្នុងការអភិវឌ្ឍន៍សង្គម។

ឯកឧត្តម ឯម ច័ន្ទមករា អគ្គលេខាធិការ និងជាប្រធានសមាជិកអចិន្រ្តៃយ៍ នៃក្រុមប្រឹក្សាសកម្មភាពជនពិការ បានលើកឡើងបែបនេះ ខណៈលោក និងលោក សែម សុខា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទាតំណាងឲ្យឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា លោកស្រីបណ្ឌិត Sue Vi Ze តំណាងអង្គការ Unesco រួមនិងសិក្ខាកាមជាង១០០នាក់ បានចូលរួមនៅក្នុងសិក្ខាសាលា ពិនិត្យឡើងវិញនូវការអនុវត្តគម្រោងសាកល្បង ស្តីពីការដាក់បញ្ចូលសេវាសង្គមកិច្ច ក្នុងគោលនយោបាយសាធារណៈនៅកម្ពុជា រៀបចំធ្វើនៅទន្លេបាសាក់២ នៅថ្ងៃទី១២ ខែមករា ឆ្នាំ២០១៧នេះ។

ឯកឧត្តម ឯម ច័ន្ទមករា បន្ថែមថា សិក្ខាសាលារៀបចំថ្ងៃនេះ ធ្វើឡើងក្នុងគោលបំណង ពិនិត្យឡើងវិញ នូវការអនុវត្តគម្រោងសាកល្បង ក្នុងការដាក់បញ្ចូលសេវាសង្គមកិច្ច ក្នុងគោលនយោបាយសាធារណៈនៅកម្ពុជា ដែលគម្រោងនេះ បានអនុវត្តចាប់ពីខែកញ្ញា ឆ្នាំ២០១៦ នឹងត្រូវបញ្ចប់នៅខែកុម្ភៈ ឆ្នាំ២០១៧ខាងមុខនេះ។

ជាមួយគ្នានោះ ឯកឧត្តម សែម សុខា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា បានលើកឡើងថា សិក្ខាសាលាថ្ងៃនេះ រៀបចំឡើងក្នុងគោលបំណងពិនិត្យមើល និងវាយតម្លៃនូវការអនុវត្តគម្រោង តាមរយៈសមិទ្ធផលទាំងឡាយ ដែលទទួលបានក្រោមកិច្ចសហប្រតិបត្តិការរបស់គម្រោងចាប់ពីខែកញ្ញា ឆ្នាំ២០១៦រហូតមកដល់ពេលនេះ។

ឯកឧត្តម សែម សុខា បន្តថា ជនពិការបានទទួលការបណ្តុះបណ្តាលវិជ្ជាជីវៈ បង្កើតមុខរបររកស៊ី និងមានការងារតាមសហគ្រាគ្រឹះស្ថាន មួយចំនួន ក្នុងនោះកីឡាករជនពិការត្រូវបានលើកទឹកចិត្ត និងទទួលបានលទ្ធផលល្អជាច្រើន។

ឯកឧត្តម ឯម ច័ន្ទមករា ក៏បានគូសបញ្ជាក់ឲ្យដឹងដែរថា ការដាក់បញ្ចូលសេវាសង្គមកិច្ច ក្នុងគោលនយោបាយសាធារណៈ មិនមែនជារឿថថ្មីរបស់ពិភពលោកនោះទេ វាបានកើតឡើងតាមសេចក្តីប្រកាសនៃកិច្ចប្រជុំកំពូលរបស់អង្គការសហប្រជាជាតិ នៅទីក្រុង កូប៉ង់ញ៉ាហ្សង់ ប្រទេសដាណាម៉ាក នៅថ្ងៃទី១៤ ខែមីនា ឆ្នាំ១៩៩៥។

គម្រោងសាកល្បងស្តីពីការដាក់បញ្ចូលសេវាសង្គមកិច្ចក្នុងគោលនយោបាយសាធារណៈ ត្រូវបាន Unesco កំពុងបានអនុវត្ត ក្នុងប្រទេសចំនួន៣ នៃប្រទេសសមាគមប្រជាជាតិអាស៊ាន រួមមានប្រទេស ម៉ាឡេស៊ី ប្រទេសកម្ពុជា និងប្រទេសទីម៉រឡេស ដោយសហការជាមួយស្ថាប័នសាធារណៈ។

នៅក្នុងប្រទេសកម្ពុជា អង្គការUnesco បានចាប់ដៃគូជាមួយក្រុមប្រឹក្សាសកម្មភាពជនពិការ តាមរយៈកិច្ចពិភាក្សាច្រើនលើកជាមួយ លោកស្រីបណ្ឌិត Sue Vi Ze តំណាងអង្គការ Unescoប្រចាំនៅសាធារណរដ្ឋសង្គមវៀតណាមធ្វើឡើងនៅខែឧសភា ឆ្នាំ២០១៥៕

ដៃគូរបស់យើង