រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
កម្ពុជាបន្តបង្ហាញឆន្ទៈនៅចំពោះមុខអង្គការសហប្រជាជាតិគាំទ្រការអនុវត្តអនុសញ្ញាស្តីពីសិទ្ធិជនមានពិការភាពសម្រេចឲ្យខាងតែបាននិងមានស័ក្តសិទ្ធភាព!
ចុះផ្សាយ: ថ្ងៃទី15 ខែ06 ឆ្នាំ2018
សេចក្តីជូនដំណឹង ស្តីពីការជ្រើសរើសយុវជនពិការ ចូលរួមពិធីប្រកួតប្រជែងជាសាកលផ្នែកព័ត៌មានវិទ្យាសម្រាប់យុវជនពិការឆ្នាំ២០១៨( The Global IT Challenge for Youth with Disabilities 2018)
ចុះផ្សាយ: ថ្ងៃទី29 ខែ05 ឆ្នាំ2018
ឯកឧត្តម ឯម ច័ន្ទមករា​៖ ជនមានពិការភាពនៅតែមានសមត្ថភាពបម្រើការងារ ក្នុងវិស័យទេសចរណ៍ ហើយជនមានពិការភាព នៅតែជាអតិថិជនប្រើប្រាស់សេវាកម្មទេសចរណ៍ដូចគ្នា
ចុះផ្សាយ: ថ្ងៃទី22 ខែ05 ឆ្នាំ2018
ឯក​ឧត្តម ​ឯម ​ច័ន្ទមករា ​គាំទ្រ​​ការ​អំពាវ​នាវ​របស់​សម្តេច​តេជោ​ ហ៊ុន​ សែន​ កុំឲ្យ​រើស​អើង​ជន​​មានពិការភាព​
ចុះផ្សាយ: ថ្ងៃទី25 ខែ04 ឆ្នាំ2018
ឯកឧត្តម ឯម ច័ន្ទមករា ប្រកាសលះបង់ប្រាក់បៀវត្សផ្ទាល់ខ្លួនចំនួន១០ខែ ស្មើនឹង៥ពាន់ដុល្លារ ដើម្បីចូលរួមបរិច្ចាគជាមួយមូលនិធិគន្ធបុប្ផាកម្ពុជា តាមការអំពាវនាវរបស់សម្តេចតេជោ
ចុះផ្សាយ: ថ្ងៃទី11 ខែ04 ឆ្នាំ2018
Find us on Facebook
ចំនួនអ្នកចូលទស្សនា

រដ្ឋមន្រ្តី វង សូត៖ យុវជនគ្រប់រូបត្រូវប្រឹងប្រែងរៀនសូត្រ ពេលប្រទេសជាតិមានសន្តិភាព ហើយត្រូវជៀសឲ្យឆ្ងាយពីគ្រឿងញៀន

ចុះផ្សាយ: ថ្ងៃទី06 ខែ07 ឆ្នាំ2017

ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា បានផ្ញើសារដាស់តឿនដល់ យុវជនខ្មែរគ្រប់រូប ត្រូវខិតខំប្រឹងប្រែងសិក្សារៀនសូត្រ ដើម្បីពង្រីកចំណេះដឹងរបស់ខ្លួនស្របពេលដែលប្រទេសជាតិយើង មានសន្តិភាព និងមានការ អភិវឌ្ឍន៍លើគ្រប់វិស័យ ជាពិសេសត្រូវជៀសឲ្យឆ្ងាយពីគ្រឿងញៀន និងអំពើអបាយ មុខផ្សេងៗ ដែលសង្គមជាតិស្អប់ខ្ពើម និងនាំឲ្យប៉ះពាល់ ដល់សង្គមគ្រួសារ ញាតិមិត្ត ហើយអ្វីដែលសំខាន់នោះគឺ ខូចអនាគតរបស់ខ្លួនតែម្តង។

ការដាស់តឿនក្រើនរំលឹកដល់យុវជនខាងលើនេះ គឺត្រូវបានធ្វើឡើងខណៈលោក វង សូត និងថ្នាក់ដឹកនាំ អញ្ជើញទស្សនកិច្ច និងសាកសួរសុខទុក្ខជាមួយយុវជន យុវតីដែលជាជនរងគ្រោះកំពុងសម្រាកព្យាបាល នៅមជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន នាថ្ងៃទី០៦ ខែកក្កដា ឆ្នាំ២០១៧ នៅសង្កាត់គោករការ ខណ្ឌព្រែកព្នៅ រាជធានីភ្នំពេញ។

យោងតាមរបាយការណ៍របស់ លោក វ៉ិត វ៉ាដាល ប្រធានមជ្ឈមណ្ឌលជាតិព្យាបាល និងស្តារនីតិសម្បទា អ្នកញៀន គ្រឿងញៀន បានឲ្យដឹងថា គិតត្រឹមខែមិថុនា ឆ្នាំ២០១៧នេះ មណ្ឌលបានទទួលជនរងគ្រោះ ដោយការប្រើប្រាស់ មានចំនួន ៧៤៣នាក់ (ស្រី៧១នាក់) ក្នុងនោះស្ម័គ្រចិត្តតាមរយៈអាណាព្យាបាលចំនួន ៥៤នាក់ មន្ទីរសង្គមកិច្ច រាជធានីភ្នំពេញ និងអង្គការចំនួន៣២នាក់ ស្ម័គ្រចិត្តនៅចំពោះ មុខព្រះរាជអាជ្ញាចំនួន ៦៥៧នាក់ និងធ្វើសមាហរណកម្មចំនួន ៥៦៣នាក់(ស្រី៥៥នាក់) ដោយបានបញ្ចប់កម្មវិធីបន្សាបព្យាបាល និងស្តារនីតិសម្បទា ក្នុងនោះទៅគ្រួសារនិងសហគមន៍ចមនួន ១១៩នាក់ (ស្រី២៧នាក់) បញ្ជូនទៅអង្គការ និងមន្ទីរពេទ្យ ១៨នាក់ (ស្រី៣នាក់) ដើម្បីថែទាំបន្ត ហើយបច្ចុប្បន្នកំពុងស្នាក់នៅមណ្ឌលចំនួន ១៨០នាក់(ស្រី១៦នាក់)។

ឯកឧត្តមរដ្ឋមន្រ្តី បានបញ្ជាក់បន្ថែមថា ការព្យាបាល និងស្តារនីតិសម្បទាឡើងវិញគឺពិតជាមានសារៈសំខាន់ណាស់ សម្រាប់ជនរងគ្រោះ ដោយសារធាតុញៀន ដូច្នេះសូមឲ្យមន្រ្តីគ្រប់គ្រងនៅទីនេះ ត្រូវធ្វើការណែនាំ និងដាស់ស្មារតី ដល់ក្មួយៗដែលកំពុងស្នាក់នៅ និងទទួលការព្យាបាលនេះឲ្យធ្វើយ៉ាងណាខិតខំតាំងចិត្ត ឲ្យបានមុតមាំ ថានឹង ផ្តាច់គ្រឿងញៀនក្នុងខ្លួនឲ្យអស់និងពង្រឹងសមត្ថភាព របស់ខ្លួនឲ្យបានល្អ ដើម្បីត្រលប់ ទៅសហគមន៍វិញ កសាងអនាគតជាថ្មី ។

ជាមួយគ្នានេះ រដ្ឋមន្រ្តី វង សូត ក៏បានថ្លែងអំណរគុណ ចំពោះការជួយឧបត្ថម្ភពីសំណាក់ប្រមុខរាជរដ្ឋាភិបាលកម្ពុជា ជាពិសេសសម្តេច ក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដែលតែងតែគាំទ្រក្នុងមណ្ឌល ហើយនាពេលថ្មីៗនេះសម្តេចក៏បាន ផ្តល់នូវថវិកាចំនួន ៣ម៉ឺនដុល្លារសហរដ្ឋអាមេរិក សម្រាប់ធ្វើការជួសជុលអគារស្នាក់នៅ សាលសម្រាប់ថ្នាក់បណ្តុះបណ្តាល សម្ភារៈប្រើប្រាស់ បណ្តាញអគ្គិសនី ដែលគ្រោងផែនការអាចទទួលបានជនរងគ្រោះដោយសារធាតុញៀនបាន ២៥០នាក់។

ក្នុងឱកាសនោះ រដ្ឋមន្រ្តី វង សូត ក៏បានឧបត្ថម្ភសម្ភារៈប្រើប្រាស់មួយចំនួន និងថវិកាចំនួន ៣លានរៀល ជូនដល់ មណ្ឌលផងដែរ។

បន្ទាប់ពីពិនិត្យរួចហើយ រដ្ឋមន្រ្តី និងគណៈប្រតិភូអមដំណើរ បានបន្តចុះពិនិត្យមើលសំណង់អគារមួយកន្លែងទៀត ដែលកំពុងសាងសង់ សម្រាប់ថែទាំមនុស្សចាស់ នៅខណ្ឌពោធិ៍សែនជ័យ រាជធានីភ្នំពេញ ដែលសម្រេចបានប្រមាណ៧០ភាគរយហើយ និងត្រៀមដាក់ សម្ពោធ ឲ្យប្រើប្រាស់នាពេលឆាប់ខាងមុខនេះ។

សមិទ្ធផលទាំងអស់នេះ គឺបង្ហាញពីការយកចិត្តទុកដាក់ខ្ពស់ពីសំណាក់ ប្រមុខរាជរដ្ឋាភិបាលកម្ពុជា មកលើ វិស័យសង្គមកិច្ច អតីតយុទ្ធជន និងយុវនីតិសម្បទា ដើម្បីបន្តអភិវឌ្ឍន៍ប្រទេសជាតិ យើងដូចបណ្តាប្រទេសដទៃទៀតក្នុងតំបន់៕

ដៃគូរបស់យើង