រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
កម្ពុជាបន្តបង្ហាញឆន្ទៈនៅចំពោះមុខអង្គការសហប្រជាជាតិគាំទ្រការអនុវត្តអនុសញ្ញាស្តីពីសិទ្ធិជនមានពិការភាពសម្រេចឲ្យខាងតែបាននិងមានស័ក្តសិទ្ធភាព!
ចុះផ្សាយ: ថ្ងៃទី15 ខែ06 ឆ្នាំ2018
សេចក្តីជូនដំណឹង ស្តីពីការជ្រើសរើសយុវជនពិការ ចូលរួមពិធីប្រកួតប្រជែងជាសាកលផ្នែកព័ត៌មានវិទ្យាសម្រាប់យុវជនពិការឆ្នាំ២០១៨( The Global IT Challenge for Youth with Disabilities 2018)
ចុះផ្សាយ: ថ្ងៃទី29 ខែ05 ឆ្នាំ2018
ឯកឧត្តម ឯម ច័ន្ទមករា​៖ ជនមានពិការភាពនៅតែមានសមត្ថភាពបម្រើការងារ ក្នុងវិស័យទេសចរណ៍ ហើយជនមានពិការភាព នៅតែជាអតិថិជនប្រើប្រាស់សេវាកម្មទេសចរណ៍ដូចគ្នា
ចុះផ្សាយ: ថ្ងៃទី22 ខែ05 ឆ្នាំ2018
ឯក​ឧត្តម ​ឯម ​ច័ន្ទមករា ​គាំទ្រ​​ការ​អំពាវ​នាវ​របស់​សម្តេច​តេជោ​ ហ៊ុន​ សែន​ កុំឲ្យ​រើស​អើង​ជន​​មានពិការភាព​
ចុះផ្សាយ: ថ្ងៃទី25 ខែ04 ឆ្នាំ2018
ឯកឧត្តម ឯម ច័ន្ទមករា ប្រកាសលះបង់ប្រាក់បៀវត្សផ្ទាល់ខ្លួនចំនួន១០ខែ ស្មើនឹង៥ពាន់ដុល្លារ ដើម្បីចូលរួមបរិច្ចាគជាមួយមូលនិធិគន្ធបុប្ផាកម្ពុជា តាមការអំពាវនាវរបស់សម្តេចតេជោ
ចុះផ្សាយ: ថ្ងៃទី11 ខែ04 ឆ្នាំ2018
Find us on Facebook
ចំនួនអ្នកចូលទស្សនា

ឯកឧត្តម ឯម ច័ន្ទមករា៖ រាជរដ្ឋាភិបាល គ្រោងបញ្ចូនរបាយការណ៍ «អនុសញ្ញាស្តីពីសិទ្ធិជនពិការ» ទៅUN ឲ្យបាននៅឆ្នាំ២០១៨នេះ ដើម្បីលើកកម្ពស់វិស័យពិការភាពនៅកម្ពុជា

ចុះផ្សាយ: ថ្ងៃទី24 ខែ01 ឆ្នាំ2018

(ភ្នំពេញ)៖ ឯកឧត្តម ឯម ច័ន្ទមករា អគ្គលេខាធិការក្រុមប្រឹក្សាសកម្មភាព ជនពិការ បានបញ្ជាក់ជំហរឲ្យដឹងថា នៅឆ្នាំ២០១៨នេះ របាយការណ៍អនុសញ្ញា ស្តីពីសិទ្ធិជនពិការ នឹងបានទៅដល់ដៃ គណៈកម្មការសិទ្ធិជនពិការ នៃអង្គការសហប្រជាជាតិ។ ឯកឧត្តម ឯម ច័ន្ទមករា ជឿជាក់ថា នៅពេលដែលកម្ពុជា បានដាក់របាយការណ៍នេះ អង្គការសហប្រជាជាតិ នឹងមានការពេញចិត្តច្រើន ក្នុងការ បំពេញកាតព្វកិច្ច នៃការអនុវត្តអនុសញ្ញា ស្តីពីសិទ្ធិជនពិការ។

អនុសញ្ញាស្តីពីសិទ្ធិជនពិការ គឺជាអនុសញ្ញាមួយដែលតម្រូវឲ្យ តម្រូវឲ្យរដ្ឋជាភាគីផ្តល់សច្ចាប័នលើអនុសញ្ញា ផ្តល់ឧត្តមប្រយោជន៍ដល់បងប្អូន ជនពិការ ដោយមិនមានការរើសអើងជនពិការ និងផ្តល់ប្រយោជន៍ លើកកម្ពស់ដល់សិទ្ធិជនមានពិការភាព។ ឯកឧត្តម ឯម ច័ន្ទមករា បានបន្តថា ទោះបីជាចំណុចមួយចំនួនទៀត មិនទាន់ល្អ តែយើងខិតខំធ្វើយ៉ាងណាបំពេញបន្ថែមការងារនេះឲ្យបានល្អ។

ឯកឧត្តម ឯម ច័ន្ទមករា បានថ្លែងប្រាប់ក្រុមអ្នកសារព័ត៌មានបែបនេះ ខណៈឯកឧត្តមចូលរួមនៅក្នុងសិក្ខាសាលាស្តីពី ការពិនិត្យផ្តល់យោបល់ និងបមបេញបន្ថែមនូវធាតុចូលលើកចុងក្រោយ លើ របាយការណ៍ស្តីពី «ការអនុវត្តអនុសញ្ញាស្តីពីសិទ្ធិជនពិការ» នៅថ្ងៃទី២៤ ខែមករា ឆ្នាំ២០១៨នេះ នៅភោជនីយដ្ឋានទន្លេបាសាក់២ រាជធានីភ្នំពេញ។

បញ្ជាក់ប្រាប់អ្នកសារព័ត៌មាន ឯកឧត្តម ឯម ច័ន្ទមករា បានឲ្យដឹងទៀតថា របាយការណ៍ស្តីពី «ការអនុវត្តសន្ធិសញ្ញាជនពិការ» មិនមែនជារបាយការណ៍ ដែលអគ្គលេខាធិការរដ្ឋានអង្គុយនៅលើតុ និងអាចសរសរបាននោះទេ គឺទាមទារឲ្យមានធាតុចូលពីគ្រប់ក្រសួងស្ថាប័ន ពីគ្រប់អ្នកពាក់ព័ន្ធទាំងអស់ ទាំងអង្គការ មិនមែនរដ្ឋាភិបាល និងស្ថាប័នរដ្ឋ។

ឯកឧត្តមបន្តថា ធ្វើដូចនេះ បានយើងអាចយករបាយការណ៍នេះ ទៅជារបាយការណ៍មួយដែលមានទំងន់ និងមានតម្លាភាព អាច ទទួលយកបាន និងអាចឆ្លុះបញ្ចាំងពីភាពជាក់ស្តែងពិតប្រាកដ។ ឯកឧត្តម ឯម ច័ន្ទមករា បន្ថែមថា នៅពេលដែលយើងប្រមូល លើកចុងក្រោយបញ្ចប់ហើយ យើងនឹងដាក់ជូនសុំសេចក្តីអនុម័តពីក្រុមប្រឹក្សាសកម្មភាពជនពិការហើយ បញ្ចូលទៅសុំការអនុម័ត ពីគណៈរដ្ឋមន្រ្តី ទើបអាចបញ្ចូនទៅអង្គការសហប្រជាជាតិ។

មុនពេលដែលយើងផ្តល់សច្ចាប័ន មកដល់ពេលនេះ យើងបានបំពេញ ក្នុងនាមជារដ្ឋភាគីបានច្រើនលើវិស័យពិការភាព រួមមាន ការផ្តល់ សិទ្ធិសម្រាប់ជនមានពិការភាពឲ្យចូលរួមគ្រប់កម្មវិធីដែលរៀបចំដោយភាគីពាក់ព័ន្ធ ឬអង្គការមិនមែនរដ្ឋាភិបាល ឬវិស័យ ឯកជននានា។

ឯកឧត្តម ឯម ច័ន្ទមករា បន្តថា កម្ពុជា បានផ្តល់សិទ្ធពេញលេញដល់បងប្អូន មានពិការភាពគ្រប់គ្រាន់ គ្មានភាគីណាហាមឃាត់ មិនឲ្យចូលរួម សកម្មភាពរបស់ រាជរដ្ឋាភិបាល និងអង្គការផ្សេងៗ លើកលែងតែចំនួនជនពិការចូលរួមលើសការកំណត់តែប៉ុណ្ណោះ។

ជាមួយគ្នានោះ ក៏មានការផ្តល់របបគោលនយោបាយ សម្រាប់បងប្អូនមានពិការភាព ក្រីក្រនៅតាមសហគមន៍ គឺក្រសួងសង្គមកិច្ចបានផ្តល់របប ដើម្បីសម្រួលដល់ជីវភាពរបស់ពួកគាត់។ រហូតមកដល់ពេលនេះ ក្រសួងសង្គមកិច្ច បានផ្តល់របបគោលនយោបាយ សម្រាប់បងប្អូនមានពិការភាព ចំនួន៤ទៅ៥ ខេត្ត ដូចជាខេត្ត ត្បូងឃ្មុំ កំពង់ចាម ព្រៃវែង ស្វាយរៀងជាដើម ហើយគ្រោងនឹងបន្តទៅតាមបណ្តាខេត្ត-រាជធានីជាបន្តបន្ទាប់នៅទូទាំងប្រទេស។

ក្រៅពីនេះ ក៏មានការផ្តល់នូវការស្តារលទ្ធិភាពពលកម្មកាយសម្បទា ដល់បងប្អូនជនពិការ គឺកម្ពុជា ក្នុង១ឆ្នាំទៅ១ឆ្នាំផ្តល់ជុនពី២ម៉ឺននាក់ជាង ដោយមានការផ្តល់សេវាដោយឥតគិតថ្លៃ និងមានការផ្តល់របប សម្រាប់ធ្វើដំណើរ ក្នុងពេលព្យាបាលថែមទៀត។

បន្ថែមពីនោះក៏មានការសហការយ៉ាងយកចិត្តទុកដាក់ ពីក្រសួងអប់រំ យុវជន និងកីឡា និងក្រសួងដែនដីនគរូបនីយកម្ម និងសំណង់ នៅកម្ពុជា ដែលបានចូលរួមសម្រួល និងជួយដល់បងប្អូនមានពិការភាពជាច្រើនផ្នែកផងដែរ។

ដូចនេះ កម្ពុជា បានប្រែមុខមាត់ខ្លាំងណាស់ ទៅលើវិស័យពិការភាពនៅកម្ពុជា ចាប់តាំងពីឆ្នាំ២០១២ រហូតមកដល់ឆ្នាំ២០១៨ យើងសង្កេតឃើញថា វិស័យពិការភាពមានការប្រែប្រួលខ្លាំង ដោយមានការមើលឃើញពីប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ដោយបានចុះទៅជួបដោយផ្ទាល់ជាមួយ បងប្អូនពិការភាព ទាំងនៅតាមជនបទ និងនៅរាជធានីភ្នំពេញ និងបានលើកទឹកចិត្ត និងការផ្តល់ថវិកាជាច្រើន។

គួរបញ្ជាក់ថា ចាប់តាំងពីឆ្នាំ២០១៤ អគ្គលេខាធិការដ្ឋានក្រុមប្រឹក្សាជនពិការ បានផ្តើមរៀបចំចងក្រងសេចក្តីព្រាង របាយការណ៍ដំបូង ដោយបានព្យយាមប្រមូលនូវរាល់ធាតុចូល តាមរយៈការបំពេញចម្លើយលើកម្រសំណួរដែលផ្តល់ដោយអង្គភាព និងស្ថាប័នមួយចំនួន និងតាមរយៈការសិក្ខាសាលាពិគ្រោះយោបល់ថ្នាក់ជាតិចំនួន២លើក។ ប៉ុន្តែ ដោយមិនឃើញថា ទិន្នន័យ និងធាតុចូលនៅតែ មិន គ្រប់គ្រាន់ ក្រុមការងារអគ្គលេខាធិការដ្ឋាន បានចុះទៅសាកសួរ និងប្រមូលព័ត៌មានដោយផ្ទាល់នៅតាមក្រសួង ស្ថាប័ន និងអង្គការពាក់ព័ន្ធមួយចំនួនទៀត៕

ដៃគូរបស់យើង