រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
មន្រ្តីជាន់ខ្ពស់ម៉ុងហ្គោលី៖ វិស័យពិការភាពរបស់កម្ពុជា មានការរីកចម្រើនគួរឲ្យកត់សំគាល់ ជាគំរូដ៏ល្អមួយសម្រាប់តំបន់អាស៊ីប៉ាស៊ីហ្វិក
ចុះផ្សាយ: ថ្ងៃទី03 ខែ07 ឆ្នាំ2019
សេចក្តីជូនដំណឹស្តីពីការជ្រើរើសយុវជនមានពិការភាពចូលរួមកម្មវិធីប្រកួតប្រជែងជាសកល ផ្នែកព័ត៌មានវិទ្យាសម្រាប់យុវជនមានពិការភាពឆ្នាំ២០១៩ នៅទីក្រុង បូ៊សាន សាធារណរដ្ឋកូរ៉េ
ចុះផ្សាយ: ថ្ងៃទី19 ខែ06 ឆ្នាំ2019
ឯកឧត្តម ឯម ច័ន្ទមករា៖ ប្រទេសកម្ពុជាដើរលើផ្លូវត្រូវក្នុងការអភិវឌ្ឍប្រទេស ជាពិសេសការធានាបាននូវសន្តិភាព ស្ថិរភាពនយោបាយ និងកំណើនសេដ្ឋកិច្ចដែលជាឱកាសដើម្បីលើកកម្ពស់សិទ្ធិជនពិការជាពិសេស ការផ្តល់ដីសម្បទានសង្គមកិច្ចនិងការគាំទ្រដល់ការស្តារឡើងវិញនូវរូបកាយសម្រាប់ជនពិ
ចុះផ្សាយ: ថ្ងៃទី12 ខែ06 ឆ្នាំ2019
រាជរដ្ឋាភិបាលចាត់ឯកឧត្តម ឯម ច័ន្ទមករា អគ្គលេខាធិការ​ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ តំណាងឯកឧត្តមរដ្ឋមន្ត្រីក្រសួងសង្គមកិច្ចកម្ពុជា ចូលរួមសម័យប្រជុំលើកទី១២នៃរដ្ឋភាគី នៅទីស្នាក់ការកណ្តាលរបស់អង្គការសហប្រជាជាតិ ទីក្រុងញូវយ៉ក សហរដ្ឋអាមេរិច
ចុះផ្សាយ: ថ្ងៃទី09 ខែ06 ឆ្នាំ2019
ជនមានពិការក្រីក្រជិត ២ពាន់នាក់ រស់នៅឃុំចំនួន៧ ក្នុងស្រុកមុខកំពូល ខេត្តកណ្តាល ទទួលបានរបបគោលនយោបាយពិនិត្យ និងថែទាំសុខភាព
ចុះផ្សាយ: ថ្ងៃទី05 ខែ06 ឆ្នាំ2019
Find us on Facebook
ចំនួនអ្នកចូលទស្សនា

ឯកឧត្តម ឯម ច័ន្ទមករា ប្រកាសលះបង់ប្រាក់បៀវត្សផ្ទាល់ខ្លួនចំនួន១០ខែ ស្មើនឹង៥ពាន់ដុល្លារ ដើម្បីចូលរួមបរិច្ចាគជាមួយមូលនិធិគន្ធបុប្ផាកម្ពុជា តាមការអំពាវនាវរបស់សម្តេចតេជោ

ចុះផ្សាយ: ថ្ងៃទី11 ខែ04 ឆ្នាំ2018

(ភ្នំពេញ)៖ ឯកឧត្តម ឯម ច័ន្ទមករា អគ្គលេខាធិការក្រុមប្រឹក្សាសកម្មភាពជនពិការ របស់ក្រសួងសង្គមកិច្ច និងជាអតីតប្រធានគណៈកម្មាធិការកុមារ បានប្រកាសលះបង់ប្រាក់បៀវត្សផ្ទាល់ខ្លួនចំនួន១០ខែ ស្មើនឹង៥ពាន់ដុល្លារ ដើម្បីចូលរួមបរិច្ចាគថវិកា ជាមួយមូលនិធិគន្ធបុប្ផាកម្ពុជា តបតាមការអំពាវនាវរបស់ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន។

ឯកឧត្តម ឯម ច័ន្ទមករា តាំងពីវ័យ១៣ឆ្នាំមកម៉្លេះ បានចូលរួមធ្វើការងារយ៉ាងសកម្មជាច្រើន ដើម្បីលើកស្ទួយសិទ្ធិកុមារនិងឲ្យគេយល់ដឹងពីកុមារ ដែលពួកគេជាសមាសភាពនៃសង្គម ដោយឈរលើហេតុផលនេះទើបអគ្គលេខាធិការក្រុមប្រឹក្សាសកម្មភាពជនពិការ ដែលពោពេញដោយសមត្ថភាពរូបនេះបានតស៊ូ និងពុះពារគ្រប់ឧបសគ្គ គ្រប់កាលៈទេសៈដើម្បីបុព្វហេតុកុមារកម្ពុជា។

ការប្រកាសលះបង់របស់ឯកឧត្តម ឯម ច័ន្ទមករា ដែលជាអគ្គលេខាដ៏ល្បីឈ្មោះមួយរូបលើវិស័យពិការភាពនាពេលនេះ បានឆ្លុះបញ្ចាំងពីការយកចិត្តទុកដាក់លើកុមារនៅកម្ពុជា តាមរយៈបទពិសោធន៍ការងាររាប់មិនអស់នាពេលកន្លងមក។

កាលពីឯកឧត្តម ឯម ច័ន្ទមករា បម្រើការងារជាប្រធានគណៈកម្មាធិការកុមារកម្ពុជា លោកធ្លាប់បានបញ្ជាក់ថា ការបង្កើតឲ្យមានគណៈកម្មាធិការនោះ គឺដើម្បីផ្សព្វផ្សាយពីអនុសញ្ញាស្តីពីសិទ្ធកុមារ ដល់សាធារណជនបានដឹង និងដើម្បីលើកស្ទួយសិទ្ធិកុមារផងដែរ។

សកម្មភាពទាំងអស់នេះអាចបញ្ជាក់ថា អតីតប្រធានគណៈកម្មាធិការកុមារ ឯកឧត្តម ឯម ច័ន្ទមករា ពិតជាបានគិតគូរដល់កុមារនៅកម្ពុជា ហើយការលះបង់នាពេលនេះ ក៏ដើម្បីជាការតបស្នងដល់ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន ដែលបានយកចិត្ត ទុកដាក់លើកុមារ រហូតឈានដល់ការបង្កើតជាមូលនិធិគន្ធបុប្ផាកម្ពុជា ដើម្បីជួយដល់ការព្យាបាល និងជួយកុមាររងគ្រោះនៅទូទាំងប្រទេស។

គួរបញ្ជាក់ថា នៅថ្ងៃទី១០ ខែមេសា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវដល់សប្បុរសជនទាំងអ្នកមានធនធាន និងប្រជាពលរដ្ឋទូទៅឲ្យចូលរួម បរិច្ចាគថវិកាជាមួយមូលនិធិគន្ធបុប្ផាកម្ពុជា ដែលមានសម្តេចជាប្រធានកិត្តិយស ដើម្បីចូលរួមទ្រទ្រង់ ដល់មន្ទីរពេទ្យគន្ធបុប្ផានៅក្នុងប្រទេសកម្ពុជា។

ការប្រកាសរបស់សម្តេចតេជោ ហ៊ុន សែន បានធ្វើឡើងក្នុងពិធីពិសាបាយសាមគ្គីជាមួយថ្នាក់ដឹកនាំ និងសមាជិក សមាជិកា សមាគមសម្ព័ន្ធខ្មែរ-ចិន ដែលរៀបចំធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ នៅល្ងាចថ្ងៃទី១០ ខែមេសា ឆ្នាំ២០១៨នេះ។

សម្តេចតេជោ ហ៊ុន សែន រំពឹងថា អ្នកដែលរកស៊ីមានបាននៅលើទឹកដីកម្ពុជា នឹងចូលរួមវិភាគទានក្នុងមូលនិធិគន្ធបុប្ផា ហើយការរួមវិភាគទានទ្រទ្រង់មូលនិធិគន្ធបុប្ផា គឺជាការសាមគ្គីដើម្បីការរស់រានមានជីវិតរបស់កុមារកម្ពុជា។

សម្តេចប្រមុខរាជរដ្ឋាភិបាល ក៏បានប្រកាសផងដែរថា សម្រាប់អ្នកដែលចូលវិភាគទានចាប់ពីប្រមាណ ២ម៉ឺនដុល្លារឡើង នឹងក្លាយជាសមាជិកស្ថាបនិក សម្រាប់អ្នកចូលវិភាគទានចាប់ពី៥ពាន់ដុល្លារ នឹងក្លាយជាសមាជិកកិត្តិយស ហើយសម្រាប់អ្នកចូលវិភាគទានប្រមាណ ៥ពាន់រៀលជារៀងរាល់ខែ នឹងក្លាយជាសមាជិកគាំទ្រនៃមូលនិធិគន្ធបុប្ផានេះ។

សូមបញ្ជាក់ថា មូលនិធិគន្ធបុប្ផាកម្ពុជា នឹងត្រូវប្រកាសបើកដំណើរដោយសម្តេចតេជោ ហ៊ុន សែន នៅថ្ងៃទី១១ ខែមេសា ឆ្នាំ២០១៨៕

 

ដៃគូរបស់យើង