រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
ឯកឧត្តម ឯម ច័ន្ទមករា ចង់ឲ្យភាគីពាក់ព័ន្ធបង្កើនលទ្ធភាពផលិតឯកសារ ឬសៀវភៅ សម្រាប់ជនមានពិការភាពស្វែងយល់
ចុះផ្សាយ: ថ្ងៃទី28 ខែ10 ឆ្នាំ2019
ឯកឧត្តម ឯម ច័ន្ទមករា៖ រដ្ឋាភិបាលយកចិត្តទុកដាក់យ៉ាងខ្លាំង ចំពោះការអនុវត្តអនុសញ្ញាស្តីពី សិទ្ធិជនពិការ និងត្រៀមរៀបចំយុទ្ធសាស្រ្តជាតិស្តីពីពិការភាពឆ្នាំ២០១៩-២០២៣
ចុះផ្សាយ: ថ្ងៃទី10 ខែ10 ឆ្នាំ2019
កិច្ចប្រជុំវិសាមញ្ញលើកទី៤ របស់ក្រុមប្រឹក្សាសកម្មភាពជនពិការ ដែលមាន សមាជិក សមាជិកាមកពីក្រសួង ស្ថាប័ន និងតំណាងអាជ្ញាធរថ្នាក់ក្រោមជាតិ តំណាងអង្គការសង្គមស៊ីវិល ព្រមទាំងតំណាងជនមានពិការភាព
ចុះផ្សាយ: ថ្ងៃទី19 ខែ09 ឆ្នាំ2019
លោកជំទាវវេជ្ជ. អុឹង កន្ថាផាវី រដ្ឋមន្ត្រីក្រសួងកិច្ចការនារី ព្រមទាំងក្រុមការងារសកម្មភាពជនពិការនៃក្រសួងកិច្ចការនារី និងសប្បុរសជន បានអញ្ជើញចុះសួរសុខទុក្ខ ជាមួយកុមារពិការខ្សោយសតិបញ្ញា និងអូទីស្សឹម
ចុះផ្សាយ: ថ្ងៃទី28 ខែ08 ឆ្នាំ2019
ឯកឧត្តម ឯ​ម ច័ន្ទមករា៖ ផែនការយុទ្ធសាស្ត្រជាតិស្តីពីពិការភាព ២០១៩-២០២៣ ទាមទារឲ្យតាមដាន ត្រួតពិនិត្យ និងវាយតម្លៃ ដោយយកចិត្តទុកដាក់ខ្ពស់បំផុត
ចុះផ្សាយ: ថ្ងៃទី26 ខែ08 ឆ្នាំ2019
Find us on Facebook
ចំនួនអ្នកចូលទស្សនា

ឯកឧត្តម ឯម ច័ន្ទមករា៖ មនុស្សគថ្លង់កម្ពុជា ពិតជាមានសំណាង ដែលទទួលបានការអប់រំ និងការបណ្តុះបណ្តាលវិជ្ជាជីវៈយ៉ាងពេញលេញ

ចុះផ្សាយ: ថ្ងៃទី18 ខែ09 ឆ្នាំ2019

(ភ្នំពេញ)៖ មនុស្សគ-ថ្លង់កម្ពុជា ពិតជាមានសំណាង និងមានភព្វវាសនា ទទួលបានការអប់រំ និងការបណ្តុះបណ្តាលវិជ្ជាជីវៈ ដែលជាមូលដ្ឋានគ្រឹះនៃការលើកស្ទួយសិទ្ធិមនុស្សគថ្លង់នៅកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ។ ជាក់ស្តែងនៅឆ្នាំសិក្សា២០១៨-២០១៩នេះ សិស្សគ-ថ្លង់ ចំនួន៥៤៥នាក់ បានទទួលការអប់រំ តាំងពី កម្រិតបឋមសិក្សា រហូតដល់កម្រិត មហាវិទ្យាល័យ។ ដោយឡែក កាលពីពេលថ្មីៗនេះ សិស្សគ-ថ្លង់ ចំនួន៧នាក់ បានទទួលជោគជ័យជាស្ថាពរ ក្នុងសម័យប្រលងសញ្ញាបត្រទុតិយភូមិ (បាក់ឌុប)។

នេះជាការលើកឡើងរបស់ ឯកឧត្តម ឯម ច័ន្ទមករា អគ្គលេខាធិការដ្ឋានក្រុមប្រឹក្សាសកម្មភាពជនពិការ ថ្លែងក្នុងឱកាសទិវាមនុស្សគ-ថ្លង់ ឆ្នាំ២០១៩ ក្រោមប្រធានបទ «ការងារទូទៅត្រូវគិតបញ្ចូលមនុស្សគថ្លង់» និងពិធីប្រកាសដាក់ឱ្យអនុវត្ត «បទដ្ឋានបច្ចេកទេសហេដ្ឋារចនាសម្ព័ន្ធរូបវន្ត
បង្កលក្ខណៈងាយស្រួលសម្រាប់ជនមានពិការភាព» រៀបចំធ្វើនៅទីស្តីការក្រសួងសង្គមកិច្ច នាថ្ងៃទី១៨ ខែកញ្ញា ឆ្នាំ២០១៩។ ពិធីនេះ ក៏មានការអញ្ជើញចូលរួមពី ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និង មន្រ្តីជាន់ខ្ពស់ក្រសួងដែនដី នគរូបនីយកម្មនិងសំណង់ និងអង្គការជាតិ និងអន្តរជាតិ បងប្អូនពិការគ-ថ្លង់ជាច្រើនរូបទៀត។

ឯកឧត្តមបានបន្ថែមថា ទិវាមនុស្សគថ្លង់អន្តរជាតិ ដែលជាការទទួលស្គាល់ពីសារៈសំខាន់នៃការប្រើប្រាស់ភាសាសញ្ញា និងជាទិសដៅឈានទៅសម្រេចបាននូវគោលដៅអភិវឌ្ឍន៍ប្រកបដោយចីរភាព ពិសេសជាការបំពេញតាមការសន្យារបស់រដ្ឋជាភាគីនៃអនុសញ្ញាស្តីពីសិទ្ធិជនមានពិការភាព និងស្របតាមទិសស្លោក “មិនទុកឱ្យនរណាម្នាក់នៅដាច់ដោយឡែក” ។ ទិវានេះ ផ្តល់ឱកាសដើម្បីគាំទ្រ និងការពារអត្តសញ្ញាណភាសាសញ្ញា និងភាពចម្រុះនៃ វប្បធម៌របស់អ្នកប្រើប្រាស់ភាសាសញ្ញាទាំងនៅព្រះរាជាណាចក្រកម្ពុជា និងនៅលើពិភពលោក។

ភាសាសញ្ញា គឺជាមធ្យោបាយដ៏សំខាន់សម្រាប់មនុស្សគថ្លង់ ដើម្បីបង្ហាញពីខ្លួនឯង ភ្ជាប់ទំនាក់ទំនងជាមួយអ្នកដទៃ និងចូលរួមក្នុងគ្រប់វិស័យនៃសេដ្ឋកិច្ច សង្គម វប្បធម៌ និងនយោបាយ។ ការប្រើប្រាស់ភាសាសញ្ញា ក៏មានសារៈសំខាន់ផងដែរក្នុងការធានាការទទួលបានព័ត៌មាន និងការទទួលបាននូវសេវាកម្មនានា រាប់បញ្ចូលទាំងក្នុងគ្រាមានអាសន្ន ដែលជាការបំពេញ នូវសិទ្ធិសម្រាប់មនុស្សថ្លង់ជាង ៧០លាននាក់ នៅជុំវិញពិភពលោក។

ឯកឧត្តម ឯម ច័ន្ទមករា បានលើកឡើងថា នៅថ្ងៃដដែលនោះ ក៏មានការប្រកាសដាក់ឱ្យអនុវត្ត «បទដ្ឋានបច្ចេកទេសហេដ្ឋារចនាសម្ព័ន្ធរូបវន្ត បង្កលក្ខណៈងាយស្រួល សម្រាប់ជនមានពិការភាព»ផងដែរ។ ឯកឧត្តមបានបញ្ជាក់ថា សៀវភៅបទដ្ឋានបច្ចេកទេសដ៏មានសារៈសំខាន់នេះ មានចំនួន៣០៥ទំព័រ រំលេចដោយរូបភាពជាគំនូរ រូបថត និងអត្ថបទងាយយល់សម្រាប់អ្នកអានគ្រប់កម្រិត។

ឯកឧត្តមបានឲ្យដឹងថា ការប្រកាសអន្តរក្រសួងរវាងក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រសួងរៀបចំដែនដី នគរូបនីយកម្មនិងសំណង់ ដាក់ចេញនូវ «បទដ្ឋានបច្ចេកទេសហេដ្ឋារចនាសម្ព័ន្ធរូបវន្តបង្កលក្ខណៈងាយស្រួលសម្រាប់ជនមានពិការភាព»នេះពិតជាមានសារៈប្រយោជន៍ណាស់សម្រាប់វិស័យសំណង់និងវិស័យពិការភាព។

គួរបញ្ជាក់ថា ទិវាមនុស្សគ-ថ្លង់ ត្រូវបានប្រារព្វឡើងជារៀងរាល់ឆ្នាំ ចាប់តាំងពីឆ្នាំ១៩៥៨ មកម្ល៉េះ។ ដោយឡែក នៅព្រះរាជាណាចក្រកម្ពុជា ការរៀបចំទិវាមនុស្សគថ្លង់នេះ ត្រូវបានរៀបចំឡើងក្នុងកម្រិតថ្នាក់ជាតិ ចាប់តាំងពីឆ្នាំ២០១៣។ អង្គការសហប្រជាជាតិ បានកំណត់យកថ្ងៃទី២៣ ខែកញ្ញា ជារៀងរាល់ឆ្នាំ ដើម្បីប្រារព្ធទិវាមនុស្សគថ្លង់អន្តរជាតិ៕

 

 

ដៃគូរបស់យើង